स्कूलमा बिदा, विश्वविद्यालयका परीक्षा नरोकिने

शिक्षा

स्कूलमा बिदा, विश्वविद्यालयका परीक्षा नरोकिने

हिमालखबर सोमबार, २६ पुस, २०७८

कोभिड-१९ संक्रमणको कारण विद्यालय बन्द गरिएको भए पनि विश्वविद्यालय र शैक्षिक प्रतिष्ठानका पूर्वनिर्धारित परीक्षा भने सञ्चालन हुने भएका छन्।

शिक्षा, विज्ञान तथा प्रविधि मन्त्रालयले १५ माघसम्म देशभरका विद्यालय बन्द गर्ने निर्णय गरे पनि विश्वविद्यालय र शैक्षिक प्रतिष्ठानको पूर्व निर्धारित सेमेस्टर र वार्षिक परीक्षाका कार्यक्रम सञ्चालन हुने जनाएको छ। सोमबार मन्त्रालयले जारी गरेको सूचनामा पूर्व निर्धारित समेस्टर र शैक्षिक प्रतिष्ठानको वार्षिक परीक्षा जनस्वास्थ्यका मापदण्ड पालना गर्दै सञ्चालन गर्नेगरि प्रबन्ध गर्न निर्देशन दिएको छ।

मन्त्रालयका सहसचिव एंव प्रवक्ता दीपक शर्माले जारी गरेको सूचनामा भनिएको छ, “देशभरका आधारभुत तथा माध्यमिक विद्यालयमा वार्षिक बिदामा मिलान हुनेगरि २७ पुसदेखि १५ माघसम्म बिदा दिने निर्णय गरिएको छ।”